قازاقستان رەسپۋبليكاسى پارلامەنتى ءماجىلىسىنىڭ ەكونوميكالىق رەفورما جانە وڭىرلىك دامۋ كوميتەتىنىڭ  ءتوراعاسى سەيىتسۇلتان ايىمبەتوۆتىڭ جەتەكشىلىگىندە قازاقستان رەسپۋبليكاسى زاڭدارىنىڭ ىسكە اسىرىلۋىمەن تانىسۋ ماقساتىندا قىزىلوردا وبلىسىندا كوميتەتتىڭ كوشپەلى وتىرىسى ءوتتى.

بەسىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ وكىلەتتىكتەرىن ىسكە اسىرۋدىڭ  ءۇشىنشى سەسسياعا ارنالعان نەگىزگى ءىس-شارالار جوسپارىنا سايكەس قىزىلوردا وبلىسىندا جەرگىلىكتى ءوزىن-وزى باسقارۋدى دامىتۋ جانە مەملەكەتتىك باسقارۋ ورگاندارى اراسىنداعى وكىلەتتىكتەردىڭ اراجىگىن اجىراتۋ ماسەلەلەرى بويىنشا بويىنشا وتكەن باسقوسۋعا ايماق باسشىسى قىرىمبەك كوشەربايەۆ،  وبلىس ءماسليحاتىنىڭ ءتوراعاسى بەكمىرزا ەلامانوۆ پەن ۇكىمەت تاراپىنان وكىلدەر قاتىستى.

وتىرىستى ەكونوميكالىق رەفورما جانە وڭىرلىك دامۋ كوميتەتىنىڭ ءتوراعاسى سەيىتسۇلتان ايىمبەتوۆ اشتى. ول ءوز سوزىندە قىزىلوردا وبلىسىندا اۋىلدىق جەرلەردە جەرگىلىكتى ءوزىن-وزى باسقارۋدىڭ جۇمىس ىستەۋىنىڭ ۇلكەن وڭ تاجىريبەسى بار ەكەنىن جانە ەكونوميكانىڭ تۇراقتى دامۋ ءۇردىسى ساقتالىپ وتىرعانىن اتاپ ءوتتى.

قىزىلوردا وبلىسىنىڭ اكىمى قىرىمبەك كوشەربايەۆ ءسوز الىپ، ءوڭىردىڭ الەۋمەتتىك-ەكونوميكالىق دامۋ جەتىستىكتەرىن، الداعى جوسپارلار مەن جۇزەگە اسىرىلىپ جاتقان جوبالاردى، ونىڭ ىشىندە جەرگىلىكتى ءوزىن-وزى باسقارۋدى دامىتۋ جانە اۋىل اكىمدەرىنىڭ بارلىق وكىلەتتىكتەرىن ىسكە اسىرۋ ماسەلەلەرىن باياندادى.

ەكونوميكا جانە بيۋدجەتتىك جوسپارلاۋ مينيسترلىگىنىڭ جاۋاپتى حاتشىسى دينا شاجەنوۆامەملەكەتتىك باسقارۋ ورگاندارى اراسىنداعى وكىلەتتىكتەردىڭ اراجىگىن اجىراتۋ ماسەلەلەرى بويىنشا قازاقستان رەسپۋبليكاسى زاڭىنىڭ ىسكە اسىرىلۋى تۋرالى ايتتى.

قازاقستان رەسپۋبليكاسىنداعى جەرگىلىكتى ءوزىن-وزى باسقارۋدى دامىتۋ تۇجىرىمداماسىنىڭ ىسكە اسىرىلۋ بارىسى تۋرالى وڭىرلىك دامۋ ءمينيسترىنىڭ ورىنباسارى سەرىك جۇمانعارين شولۋ جاسادى.

قازاقستان رەسپۋبليكاسى ۇلتتىق كاسىپكەرلەر پالاتاسى پرەزيديۋمىنىڭ مۇشەسى، الەۋمەتتىك سالا جانە الەۋمەتتىك ارىپتەستىك كوميتەتىنىڭ ءتوراعاسى تالعات دوسكەنوۆ قازاقستان رەسپۋبليكاسى ۇلتتىق كاسىپكەرلەر پالاتاسىنىڭ اۋىلدىق كاسىپكەرلىكتى دامىتۋ جوسپارىن ءتۇسىندىردى.

جەرگىلىكتى ءوزىن-وزى باسقارۋ تۋرالى زاڭنامانى جەتىلدىرۋ بويىنشا ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ايگۇل سولوۆيەۆا بايانداما جاسادى.

مەملەكەتتىك باسقارۋ ورگاندارى اراسىنداعى وكىلەتتىكتەردىڭ اراجىگىن اجىراتۋ ماسەلەلەرى بويىنشا قازاقستان رەسپۋبليكاسى زاڭىنىڭ باستى ەرەجەلەرى تۋرالى ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى سەرىكجان قانايەۆ ءسوز سويلەدى.

جەرگىلىكتى ءوزىن-وزى باسقارۋدىڭ ءتيىمدى ۇلگىلەرىن دامىتۋ، سونىمەن قاتار، جەرگىلىكتى ءوزىن-وزى باسقارۋدى دامىتۋدا ءماسليحات، اكىمدەردىڭ ءرولىن ارتتىرۋ ماسەلەلەرى بويىنشا قىزىلوردا وبلىستىق ءماسليحاتىنىڭ دەپۋتاتى، بيۋدجەت جانە قارجى ماسەلەلەرى بويىنشا تۇراقتى كوميسسيانىڭ ءتوراعاسى قالقازبەك اجىبەكوۆ، قىزىلوردا وبلىستىق سەلولىق تۇتىنۋ كووپەراتيۆتەرى قاۋىمداستىعىڭ ءتوراعاسى ساميت دالدابايەۆ، قازالى اۋدانى ايتەكە بي كەنتىنىڭ اكىمى سامات امانوۆ بايانداما جاسادى.

جيىندى قورىتىندىلاي كەلە، ءماجىلىس دەپۋتاتتارى، وبلىس جانە شاقىرىلعان مينيسترلىكتەر باسشىلىعى كوشپەلى وتىرىستىڭ ناتيجەسىندە جەرگىلىكتى ءوزىن-وزى باسقارۋ جۇيەسىن ودان ءارى دامىتۋ ءۇشىن قولايلى قۇقىقتىق جانە ەكونوميكالىق جاعداي جاساۋ بويىنشا كوميتەتتىڭ، ورتالىق جانە جەرگىلىكتى اتقارۋشى ورگانداردىڭ، بيلىكتىڭ وكىلەتتى ورگانىنىڭ جانە بيزنەس-قوعامداستىقتىڭ الداعى ۋاقىتتا تىعىز جانە كونسترۋكتيۆتى جۇمىسى بولاتىنىن اتاپ ءوتتى.

***

ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ  ءتوراعاسى سەيىتسۇلتان ايىمبەتوۆتىڭ باسشىلىعىندا ايماققا بارعان دەپۋتاتتار اسحات بەكەنوۆ، تالعات ەرعالييەۆ، ءامىرحان راقىمجانوۆ، ايگۇل سولوۆيەۆا، نادەجدا نەستەروۆا ءىس-ساپار بارىسىندا «اقسۋات» اۋىلىنىڭ تىنىس-تىرشىلىگىمەن تانىستى.

الدىمەن اۋىلداعى تاعزىم ەسكەرتكىشىنە گۇل شوقتارىن قويىپ، جاڭادان اشىلعان اۋىلدىق كلۋبتىڭ جۇمىسىن كوردى. مۇنان سوڭ وتكەن جىلى ىسكە قوسىلعان جول توسەندىلەرىن شىعاراتىن شاعىن زاۋىتتا بولدى.

حالىق قالاۋلىلارى «Smart Rubber» جاۋاپكەرشىلىگى شەكتەۋلى سەرىكتەستىگىندە دە بولدى. اتالعان مەكەمە جارامسىز شينانى وڭدەۋمەن اينالىسادى. يننوۆاسيالىق جوبانىڭ ەكولوگيالىق تۇرعىدان تيگىزەر پايداسى كوپ. قازاقستان مەن گەرمانيانىڭ بىرلەسكەن كاسىپورنى جىلىنا 2،5 مىڭ توننا شينا قابىلداپ، ودان 1،5 مىڭ توننا رەزەڭكە ۇنتاعىن شىعارادى. ءونىم تەرەڭ وڭدەلىپ، جاساندى فۋتبول الاڭدارىنىڭ بەتكى قاباتى وندىرىلەدى. الداعى ۋاقىتتا وڭىردە سالىناتىن ويىن الاڭدارىندا وسى ءونىم قولدانىلادى. سونداي-اق جول قۇرىلىسىنا قاجەتتى بەلسەندى ۇنتاق شىعارىلادى. بيتۋممەن ارالاسقان بۇل ۇنتاق اسفالتتىڭ ساپاسىن جاقسارتادى. ال «قازروسسينناۆاسيا» مەكەمەسى اۋىزسۋدى سۇزگىدەن وتكىزەتىن قوندىرعىنى قۇراستىرۋمەن اينالىسۋدا. دەپۋتاتتار يننوۆاسيالىق جوبالاردىڭ اۋىلدىق جەردە كوبەيىپ جاتقاندىعىنى قۋانتادى دەيدى.

– ءوز-وزىن باسقارۋ زاڭى وتكەن جىلى قابىلدانعانىن بىلەسىزدەر. سونىڭ وڭىرلەردە جۇزەگە اسۋ بارىسىمەن تانىسىپ جاتىرمىز. تاعى ءبىر ايتا كەتەرلىگى، قىزىلوردادا وبلىس ورتالىعىنان بولەك، شالعايداعى اۋىلداردا كاسىپكەرلىك سالاسى جاندانىپ كەلەدى ەكەن. بۇل جۇمىسسىزدىقتى جويىلىپ، حالىقتىڭ جاعدايى جاقسارىپ كەلە جاتقاندىعىنىڭ ايقىن كورىنىسى، - دەيدى ق ر پارلامەنتى ءماجىلىسىنىڭ دەپۋتاتى سەيىتسۇلتان ايىمبەتوۆ.

سونداي-اق، حالىق قالاۋلىلارى كەشە عانا ءۇش ەلدىڭ باسشىسى قول قويعان ەۋرازيالىق ەكونوميكالىق وداق تۋرالى كەلىسىم وتاندىق ءونىمدى وزگەلەرگە وتكىزۋگە مۇمكىندىك تۋعىزاتىنىن اتاپ ءوتتى.

***

حالىق قالاۋلىلارى 31 مامىر كۇنى ساياسي قۋعىن-سۇرگىن  جانە اشارشىلىق قۇرباندارىن ەسكە الۋ شاراسىنا قاتىسىپ، قىزىلوردا قالاسىنىڭ ورتالىعىنداعى قۋعىن-سۇرگىن قۇرباندارىنا ارنالعان ەسكەرتكىشكە گۇل قويدى.

***

ءماجىلىس دەپۋتاتتارى وسى ساپاردا وبلىستىڭ سىرداريا اۋدانىندا بەسارىق جانە ناعي ءىلياسوۆ اتىنداعى اۋىلداردا بولىپ، قازاقستاننىڭ ەڭبەك ەرى ابزال ەرالييەۆتىڭ وتانسۇيگىشتىك جۇرەكتەن تۋعان جەرىنە جاساپ وتىرعان قامقورلىعىن كوزدەرىمەن كورىپ قايتتى.

***

قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى 1-ماۋسىم –بالالاردى قورعاۋدىڭ حالىقارالىق كۇنىنە ارنالعان بالالار فەستيۆالىنە قاتىستى.